ಗ್ರಾಮೀಣ ಸೊಗಡಿನ ಆಹಾರ ಪದ್ದತಿ.: ಇರುವೆ ಸೇವನೆಯಲ್ಲಿ ಚೀನಿಯರಿಗೆ ಸೆಡ್ಡು ಹೊಡೆದ ಮಲೆನಾಡಿಗರು..!!

ನಾವು ಕಂಡಿರುವ ಮತ್ತು ಕೇಳಿರುವ ಪ್ರಕಾರ ಈ ರೀತಿ ಆಹಾರಕ್ರಮಗಳನ್ನು ಚೀನಿಯರು ಹೊಂದಿದ್ದಾರೆ.

ಆದರೆ ನಮ್ಮ ದೇಶದಲ್ಲಿ ಕೆಲವು ಕಡೆ ಈ ರೀತಿಯ ಆಹಾರ ಪದ್ಧತಿ ಇದೆ.

ನಿಮಗೆ ಇದು ಆಶ್ಚರ್ಯವಾಗಬಹುದು ಆದರೂ ಇದು ಸತ್ಯ.

ಕರ್ನಾಟಕದಲ್ಲಿ ಇರುವೆಯನ್ನು ಆಹಾರ ಕ್ರಮವಾಗಿ ಬಳಸುವ ಪದ್ಧತಿ ಹಿಂದಿನಿಂದಲೂ ನಡೆದುಬಂದಿದೆ.

1. ಕರ್ನಾಟಕದ ಯಾವ ಭಾಗದಲ್ಲಿ ಇರುವೆಯನ್ನು ಆಹಾರಕ್ರಮದಲ್ಲಿ ಸೇವಿಸುತ್ತಾರೆ?

ಕರ್ನಾಟಕದ ಮಲೆನಾಡು ಭಾಗಗಳಲ್ಲಿ ಇರುವೆಯನ್ನು ಆಹಾರ ಕ್ರಮವಾಗಿ ಬಳಸುತ್ತಾರೆ.

ವಿಶೇಷವಾಗಿ ಚಿಕ್ಕಮಗಳೂರು, ಮೂಡಿಗೆರೆ, ಬಾಳೆಹೊನ್ನೂರು, ಸಕಲೇಶಪುರ, ಶಿವಮೊಗ್ಗ, ತೀರ್ಥಹಳ್ಳಿ ಭಾಗಗಳಲ್ಲಿ ಹೆಚ್ಚಾಗಿ ಬಳಸುತ್ತಾರೆ.

2. ಯಾವ ಜಾತಿಯ ಇರುವೆಗಳು ಸೇವಿಸಲು ಯೋಗ್ಯ?

ಇರುವೆಯ ಸಂಕುಲದಲ್ಲಿ ಹಲವು ರೀತಿಯ ಇರುವೆಗಳು ಕಂಡುಬರುತ್ತವೆ.

ಆದರೆ ಅದರಲ್ಲಿ ತಿನ್ನಲು ಯೋಗ್ಯವಾದ ಹಾಗೂ ಉತ್ತಮವಾದ ಇರುವೆಯ ಸಂಕುಲ ವೆಂದರೆ, ಅದು ಕೆಂಪು ಬಣ್ಣ ಹೊಂದಿರುವ ಕೆಂಪು (ಚಗಳಿ)ಇರುವೆಗಳು.

ಇದನ್ನ ಮಲೆನಾಡಿನ ಭಾಗದಲ್ಲಿ ಚಗಳಿ ಎಂದು ಕೂಡ ಕರೆಯುತ್ತಾರೆ.

3. ಎಲ್ಲಾ ಋತುಗಳಲ್ಲೂ ಇರುವೆಯನ್ನು ಆಹಾರವನ್ನಾಗಿ ಸೇವಿಸಲು ಯೋಗ್ಯವೇ?

ಇರುವೆಯನ್ನು ಆಹಾರವನ್ನಾಗಿ ಕೇವಲ ಚಳಿಗಾಲದ ಸಮಯದಲ್ಲಿ ಬಳಸುತ್ತಾರೆ.

ಈ ಕೆಂಪು ಇರುವೆಗಳು ಚಳಿಗಾಲದಲ್ಲಿ (ಅಕ್ಟೋಬರ್, ನವಂಬರ್, ಡಿಸೆಂಬರ್, ಜನವರಿ) ತಿಂಗಳಿನಲ್ಲಿ ಸೇವಿಸಲು ಮಾತ್ರ ಯೋಗ್ಯವಾಗಿರುತ್ತವೆ.

ಏಕೆಂದರೆ ಈ ಕಾಲದಲ್ಲಿ ಇರುವೆಗಳು ಮೊಟ್ಟೆ ಇಡುವ ಸಮಯವಾಗಿರುತ್ತದೆ ಹಾಗೂ ಇರುವೆಗಳ ದೇಹದಲ್ಲಿ ಹುಳಿಯ ಅಂಶ ಹೆಚ್ಚಾಗಿರುತ್ತದೆ.

4. ಕೆಂಪು ಇರುವೆಯನ್ನು ಕೊಯ್ಲು ಮಾಡುವ ಬಗೆ ಹಾಗೂ ಸೇವಿಸುವ ಕ್ರಮ ಹೇಗೆ?

ಸಾಮಾನ್ಯವಾಗಿ ಚಳಿಗಾಲದ ಸಮಯದಲ್ಲಿ ಬೆಳಗಿನ ಜಾವ ಎದ್ದು ಇರುವೆಯ ಗೂಡನ್ನು ಕಡಿಯಲು ಹೋಗುತ್ತಾರೆ. ಏಕೆಂದರೆ ಬೆಳಗ್ಗಿನ ಸಮಯದಲ್ಲಿ ಚಳಿ ಹೆಚ್ಚಿರುವುದರಿಂದ ಇರುವೆಗಳು ಗೂಡಿನ ಒಳಗೆ ಇರುತ್ತವೆ. ಹಾಗೆ

ಈ ಸಮಯದಲ್ಲಿ ಇರುವೆಗಳು ಕಚ್ಚುವ ತೀವ್ರತೆ ಕಮ್ಮಿ ಇರುತ್ತದೆ.

ಹೆಚ್ಚಾಗಿ ಈ ಇರುವೆಗಳು ಹುಳಿ ಅಂಶ ಇರುವ ಮರಗಳಲ್ಲಿ (ಮಾವಿನ ಮರ,ನೇರಳೆ ಮರ,ಹುಣಸೆ ಮರ.....)ಗೂಡು ಕಟ್ಟುತ್ತವೆ.